ابيات مدح قصيره
الموقف اللّي صدو عنك وخلوك
وضاقت بك الدّنيا ولا فيه فزاع
أبشر بعزّك لعنبو من عادوك
تأمر علي وأنا أجيك بيّاع
لا تشتكي الدّنيا وإن حي ياخوك
يفداك راسي وكلّي لك أنصاع.
الجود شيخ تملكه عدة أطراف..
بس المراجل حالفه أنّك ولدها
عريب واجد وحاوين كل الأعراف..
دنياك جنّة بس فعلك رغدها
كن العلوم الطيبة عندك أهداف..
صارت فريسة وأنت كنّك أسدها
قم يا نديبي بالعجل واحمل النّص..
وصل كتابي والأمانه على شاص
شاص خليجي للنّشاما مخصص..
شد البلد مضمون عن كل الأنقاص
مرسله للّي يفعل الطّيب مخلص..
طبيعته دايم على الطّيب حراص
وجودي على اللّي خوته للمريض علاج..
يداوي صويبن في صميم الحشى لاج
رفيق الرّفيق ورفقته فوق راسي تاج..
ياعلّه فداه اللي يخيب رجى الرّاجي
يشتاق قلبي للمطاليق..
شوق الحبيب اللّي تمنّى حبيبه
كنز الرّجال ولا كنوز الصّناديق..
المال يفنى والنّشاما تجيبه
رعاك ربّي من عيون المخاليق..
والله يصيب اللّي يبي لك مصيبة
فيني شموخ غارسه شايبي غرس..
ومهما يجور الوقت مالن راسي
أبوي علّمني وأنا حافظ الدّرس..
ما أخالف سلم جدي وساسي
انا حمست العز في داخلي حمس..
وهيلة فنجــــــــانه وقندت راسي
أنت الذي يرمى بك الظّن ويصيب..
وإلّا الرّدي ماله على الظّن طاقة
ساسك عريب وراسك أطيب من الطّيب..
وأبوك يرخي للثّقيله شقاقه
والأبل ليّا أقفت ما تجي بالمناديب..
وحنّا على ما قيل ربع ورفاقه
رز الوعد يا صاحب العرف رزه..
وأنا خويك في نهار الطّلايب
إن ضقت خذ قلبي فضاك وتنزه..
نوخ بقلبي معضلات الرّكايب
ومثلك ليامن ضاق يبشر بعزه..
ناتي بما يرضيك لو هي غصايب
قلي وش المطلوب يا ابن الكريمين..
قلي وش الصّعبات وأنا جملها
أزهم على صاحيين نحضر مجانين..
أما كذا وإلّا الرّخامة لأهلها
لاضاق صدرك لا تخاوي مساكين..
خلّك مع اللّي نيته ما يبدلها
مانيب في طرد المقفين ملزوم..
مالي بهم يا طيب الفال حاجة
المسك مسك وبينه ريحة الثّوم..
والورد عطره ما تحبسه قزازة
المال عمره ما بنى المجد للرّخوم..
والنّذل ما يقضي للأجواد حاجة
قم يا نديبي زوّد النّار بإشعال..
يجذب سناها راكبين المناكيف
ادن الدّلال وصكّ نجر على جال..
خلّه يجرّ عواه يطرب هل الكيف
نبغى مع الأجواد سجّة وفنجال..
قبل يجي للعمر بعض الصّواديف
يا زعيم الطّيب ولّا يا عقيده..
أنت يا شيخ المراجل والكرامة
يا فريد النّوع يالقرم الوليدة.
تنهض يوم الوغى ثاير عسامه
سعد من هو حطك حساب برصيده..
في بنوك المرجلهة ولّا الشّهامة
عسى الرّدي يا كاسب الطّيب يفداك..
ماهو كفو يفداك..يفدى رجولك
أنت الذي على روس الأشراف مبداك..
ولّا الرّدي مهما تعب ما يطولك
مدّت يمينه ما تجي عند يسراك..
وأغلى ثيابه ما يساوي نعولك
ارفع مقامك عند ربعك والأجناب..
وأنا عضيدك كان صارت صمايل
لا تعتقد ربع المصالح لك أصحاب..
الحر حر ولا يحب الهزايل
لا طحت ما شالوك يا وافي الأنساب..
من رافق الأنذال شاف الهوايل.
تحياتي لكم
سيناوي الجنسية و مؤسس مدونة " ترابين كوم" احب الكتابة بالخصوص التدوين، دخل عالم التدوين منذ سنتين و يسعى دائما في تعلم المزيد عن شروحات التدوين ، من هواياته برامج تصميم و الإنترنت و كل ما له علاقة بعالم المعلومات و الحواسيب